離開TVB丨「CPU」譚坤倫與TVB結束13年賓主關係 Alan近一年工作量減：一個月開工幾日
撰文： 陳淑霖
發布時間： 2024/04/22 11:53
▲ 譚坤倫（Alan）與TVB結束13年賓主關係。
在TVB處境劇《愛‧回家之開心速遞》中演IT部「CPU」的譚坤倫（Alan），於昨晚（21日）在社交網發長文宣布離巢，即是繼「紅衫魚」蘇韻姿、將離巢的「細龍生」鄭世豪後，《開心速遞》又失一員。
即是現時「接龍IT部」只剩下Ivan/Router（鄧永健飾）、Mouse（吳展驊飾）、Laptop（孟希璘飾）。
Alan與劇中女友「Gigi區瑞葦」羅雪妍（Uki）分別接受TOPick專訪，Alan大談自己決定不與TVB續約的原因，又有向IT部、劇中女友分享心底話。
Alan：近來一年開始工作量減少
參加TVB節目《功夫新星》入行的譚坤倫（Alan）與TVB結束13年賓主關係，並相當用心地寫下長文，Alan向TOPick表示自己與TVB完約後決定不續約，他透露箇中原因：
首先曾經做過一次網絡電影主角令到我念念不忘，但其實未至於令到我想外闖嘅，只係呢三年衡量返每年擁有嘅演出機會，頭兩年可能都好啲，多咗啲機會同埋工作量，但係近來一年開始工作量減少，加上發揮機會唔多，好多時一個月開工只有幾日時間，然後感覺到自己嘅演技仲有好多好多嘅進步空間，所以就覺得應該出去吸收多啲經驗。
他表明希望「再上一層樓」：
如果喺出面參與一啲唔係太大製作嘅網絡電影或者短劇，位置上可以俾到男二或男三，咁樣就可以吸收更多經驗，長遠嚟睇我係需要咁樣去提升自己演技，條路先會行得更好，所以最終糾結咗三年之後就做出呢個決定。
向IT部+Gigi訴心聲
Alan也有向劇中IT部好拍檔、女友Gigi（羅雪妍 飾）說出心底話，盡現不捨：
IT部嘅同事，我想講嘅就係多謝你哋陪伴，同你哋一齊去創作好開心，有太多太多開心嘅回憶，好難得有一套劇可以同你哋一齊合作咁多年，你哋真係好好嘅朋友，我有開心或者唔開心嘅事情都同你哋分享，你哋都會幫我分析同埋開解，我都好唔捨得你哋，亦都希望你哋會越嚟越好，加油啊！
Gigi，好開心突然間編劇會寫條咁嘅線出嚟，呢個感情線我亦都期待咗好耐好耐，你係一個非常聰明嘅演員，亦都好多謝你肯同我線上對劇本，證明你都好重視、好用心。唔好意思呀，我相信你都明白我點解要離開，希望你有下一個更精彩嘅感情線！
「Gigi」羅雪妍：都有少少似失戀
在Alan宣布離巢後，其劇中另一半「Gigi」羅雪妍（Uki）也有接受TOPick訪問，表示對Alan離巢感可惜。
她稱：
Gigi呢個角色對我嚟講好有意義，佢令我多咗好多觀眾認識。同時好似陪Gigi咁，一齊識到班朋友，然後又識到CPU。其實講開都有少少似失戀。
不過係和平分手，因為作為朋友都希望CPU一帆風順，想佢好又唔捨得佢走。
Gigi對肌肉腹肌既愛係永恆，相信未來嘅對象點都要有野睇下😂😂我都有叫CPU keep 腹肌，得閒比Gigi懷緬過去。
最新影片推介：吳家樂專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
